ҚЫЗДАР КЕҢЕСІ ЖИНАЛЫСЫ

Шымкент қаласы білім басқармасына қарасты №109 жалпы орта білім беретін мектебінде мектеп директоры А.Умаралиев және директор орынбасарлары К.Ташпулатова, М.Сейтходжаева, тәлімгер М.Мираматова, пед-ұйымдастырушы Н.Ашурметова ұйымдастыруымен "Біртұтас тәрбие" бағдарламасы аясында қыз балаларға тәрбие бойынша зейнеттегі ұстаздар келіп профилактикалық жұмыстар жүргізді.
Әйелдер кеңесінің төрайымы Имамсаидова Нурбуви, Ирисметова Клара Махаметовна, Пратова Севара Зариповна, Ахмедова Наргиза Хужахметовна келіп, қыздарға үгіт-насихаттарын айтып кетті.
Қыз бала тәрбиесінің ерекшелігі, жасөспірім қыздарға рухани-адамгершілік тәрбие беру, қыздарға тән мінез-құлық, қыз бала мәдениеті, қыз баланың қоғамдағы орнын айырықша түсіндіріп, эстетикалық тәрбие беру, қыз балаларға адамгершілік, адалдық, іс - қимыл, жүріс - тұрыс дағдысы, қыз намысы, сымбаты туралы жан - жақты мағлұмат беру арқылы қыз балалардың бойына рухани - адамгершілік, әдептілік, сыпайылық, тиянақтылық, имандылық, тазалық қасиеттерді дамыту, жеке бас гигиенасын сақтауға, әдепсіздік пен азғындық жолға түспеуге тәрбиелеу мақсатында 8-9-10-11 сынып қыздарымен "Қыз тәрбиесі - ұлт тәрбиесі" тақырыбында іс -шара өткізілді. Іс-шара барысында салауаттылық, бос уақытты тиімді ұйымдастыру, маскүнемдік, шылым шегудің әсері бойынша тренингтер өткізілді, қыз баланың жеке гигиенасы, сұлулық сырлары, мәдениеті, тәрбиесі, сөйлеу әдебі тақырыптары бойынша ой-пікірлерімен бөлісті.